LAOAG CITY – Agtultuloy ti maaw-awat a pangablaaw dagiti agasawa nga Ellen Adarna ken Derek Ramsey kalpasan nga inpasngayen ti aktres ti umuna nga anakda.
Immunan a nagpost ni Derek iti instagram account na no sadinno a makita nga ub-ubbaen ni Ellen ti kaipasngay a maladaga bayat a nakaidda iti ospital bed.
Kaabay ni Ellen ti inauna nga anak na a ni Elias Modesto, anak ti aktres iti dati a karelasyong a ni John Lloyd Cruz.
Inikkan ni Derek ti caption dagiti ladawan ti, “My world keeps getting better and better!
Awanen ti inpaay a dadduma a detalye ni Derek maipanggep iti panagpasngay ni Ellen kas iti aldaw ken kinatao ti anak da.
Nupay kasta, basar iti impormasyon ket baby girl ti inpasngay ni Ellen.
