LAOAG CITY – Naiget a binabalaw ni Elon Musk ti inlungalong nga spending bill ni U.S. President Donald Trump, nga inawagan na a maysa a “disgusting abomination.”
Inaramid daytoy ni Musk kalpasan ti ipapanaw ti tech billionaire kas opisyal nga empleyado ti gobyerno ken mangidaulo ti Department of Government Efficiency (DOGE).
Maipalagip a dati a nasinged ken ni Trump ni Musk no sadinno a maipagarop a nangiparuk-at pay ti tech billionaire ti agarop $300 million para iti nagbalin a kampanya ni Trump idi 2024 Presidential Elections.
Nupay kasta, iti agdama ket naparangarangen ti susik dagiti dua kangrunaan na ket naiget kinondenar ni Musk ti nailungalong a linteg nga ibilang na a mangnayun daytoy iti $3 trillion iti utang ti gobyerno iti uneg ti 10 a tawen bayat a makiskissayan ti budget para iti salun-at ken taraon.
Segun pay iti tech billionaire, ti nailungalong a linteg ket mangpadagsen kadagiti umili ti Amerika.
Kabayatanna, inpasingked ti White House nga agtalinaed ti suporta ni Trump iti inawagan na a “one big, beautiful bill,” iti baet ti panangkondenar ti dati a kaalyado.
