LAOAG CITY – Ilaklakon ti singer a ni Elton John dagiti sumagmamano a bado daytoy.
Iti online account daytoy ket nag-post isuna ti ladawan no sadino a mabalin a makagatang dagiti fans daytoy kadagiti badona.
Inkabilna iti nasao a panaglako iti e-bay.
Kunana nga amin a maukkon wenno ti naglakoanna ket maikabil iti Elton John AIDS Foundation nga inpasdekna idi pay laeng 1992.
Nangrugi ti 10-day auction idi Huebes.
