LAOAG CITY – Kiniddaw ti embahada ti Pilipinas idiay Moscow dagiti Pilipino idiay Russia nga agtalinaed a naridam ken agannad kagiddan ti damag ti maysa nga armado a rebelyon ti maysa a pribado a mersenaryo a grupo.
Binallaagan met ti embahada dagiti Pinoy kontra iti panagbisita kadagiti dupudop a lugar, pannakipartisipar kadagiti tignay-protesta ken panangiparuk-at ti political opinions iti social media.
Naabisoanda pay a liklikan nga agbiahe kadagiti dadduma a rehiyon tapno maiyadayo iti risgo.
Ginutigot ti embahada dagiti Pilipino nga agnanaed iti Rostov-on-Don, Belgorod ken dagiti lugar iti border ti Ukraine-Russia nga ipakaammoda ti sitwasyonda.
Inrakurak ti rebelde a Russian mercenary chief a ni Yevgeny Prigozhin a nakontrolnan ti Siudad ti Rostov-on-Don idiay Russia kas paset ti mapagatapan a mapadisi ti panangidaulona ti militar iti baet nga inbaga dagiti otoridad a maysa nga armed mutiny.
Kiniddaw ni Prigozhin a ti Russian Defense Minister ti Russia a ni Sergei Shoigu ken ni Valery Gerasimov, ti hepe ti General Staff, nga inkarina a mapadisina iti saan a napintas a panangimatonna iti gubat kontra iti Ukraine ket napan tapno makita daytoy iti Rostov, maysa a Siudad nga asideg iti border ti Ukraine.
Immunan a dinakamatna nga adda ti 25,000 fighters nga umak-akar nga agturong idiay Moscow tapno isubli ti hustisya ken maipagarup a saan a mangipapaay ti ebidensya, a ti militar ket nangpatay ti maysa a dakkel a bilang dagiti fighters manipod iti Wagner private militia iti maysa nga air strike, maysa a banag a naglikudan ti defense ministry.
Kabayatanna, kas sungbat, inkari ni Russian President Vladimir Putin a maikkan ti pannusa ti grupo ni Prigozhin.
