LAOAG CITY – Maipaay ti Emergency Go Bag iti tunggal household iti siudad ti Batac.
Segun ken ni Mayor Markee Chua, maysa laeng daytoy kadagiti addang ti city government no adda sumangbay a didigra nangruna no bagyo.
Ti Go bag ket naglaon kadagiti kangrunaan a kasapulan tunggal adda ti didigra kas ti flash light, power bank ken first aid kit.
Inbatadna nga adda ti 14 a ribu nga household iti siudad a pakaibunongan dagitoy.
Kunana a nakasagana ti city government kadagiti aniaman a didigra no sadinno a nadeterminardan dagiti alisto a malayos a lugar.
Innayon ni Mayor Chua a planona a mangipaay ti generator iti tunggal household ngem kasapulan ti dakkel a pundo isut gapuna nga iti tunggal barangay pay laeng iti agdama.
