LAOAG CITY – Naipaayan ti sumagmamano a citation ticket ti maysa nga empleado iti gobierno lokal ditoy ciudad ti Laoag gapu iti kaado ti linabsing na iti traffic ordinance kabayatan ti panangiturong na ti motorsiklo.
Segun ken ni Police Staff Sergeant Nelson Quintinio, kameng ti Motorcycle Patrol Unit, kabayatan a nakapwesto da iti daya ti Laoag City Hall ket isumet ti iruruwar ni Jeau Dough Mar Gatmen, empleado iti Media and Communications Office (CMO) iti gobierno lokal ditoy ciudad ti Laoag
a naringgor ti motorsiklo na.
Gapu iti daytoy, sinaruno ni Quintinio ti empleado ken sinapol na ti registration ti motorsiklo na ngem awan ti naipakita ti maseknan.
Inbatad na a naduktalan na nga awan pay ti driver’s license ti nasao nga empleado isut gapuna nga inkabi da daytoy iti opisina ti PNP-Traffic Division ditoy ciudad ti Laoag.
Naamoan a ti nasao nga empleado ket tiniliw idin ni Quintinio gapu iti panaglabsing na ti traffic ordinance idi disyembre 2021.
