LAOAG CITY – Naiget a naglikudan ni Ms. Jessie Catherine Lao, License Instructor I Iti Business Permit and Licensing Office ditoy ciudad ti Laoag ti akusasyon kenkuana a saan a napintas ti tratona iti agtagikua iti maysa a café ken dagiti staff daytoy.
Segun kenni Lao, saan nga agmaymaysa a simrek iti nasao a pasdek no diket grupo da.
Inpetteng na nga inyam-ammo na ti bagbag na nga ummuna pakairamanan dagiti kakadua na ken ditoy a dinamag da no adda met laeng business ti permit dagitoy.
Inbatad na a ti tono na a nagdamag ket isu ti natural a boses nan isut gapo na nga awan ti kinapudno a saan a napintas ti pannakisarita na iti maseknan.
Kunana a masansan a ti panagkita ti tattao kadakuada ket natangsit ken agbugbugkaw ngem inpasigurado na a nasayaat daytoy a tao.
Mainaig iti daytoy, kuna ni Lao a ti nasao a pasdek ket naduktalan nga awan ti business permit na iti laksid a nagoperaren ken awan ti lisensya da nga aggapo iti Food and Drug Administration (FDA) nangruna ket aglaklako da iti pastries.
Kabayatanna, kunana nga adda ti gundaway nga isudan ti mabain gapo ta maipagarop nga ado dagiti sasao kadakuada no mapan da aginspeksyon nangruna ket ar-aramiden da laeng ti trabaho da.
Immuna iti daytoy, nagreklamo ni Ms. Miriam Rosaro Guab, akinkukua iti maysa a cafe ken residente ditoy ciudad ti Laoag gapu ta maipagarup a saan a napintas ti nagbalin a trato ni Lao kenkuana ken kadagiti staff na pakairaman ti arig na panangulaw wenno panangluko da kenkuana gapu iti panagbayadna a 15,000 a pisos tapno makaala iti lisensya iti Food and Drug Administration.
