LAOAG CITY – Inpakaammo ni Ms. Felicar Ancheta, mangidadaulo ti Human Resource Management Office iti local a gobierno ditoy siudad ti Laoag nga adda ti memorandum orders a mangipalagip kadagiti empleado a maiparit ti pangserbida kas liaison officer wenno para lakad dagiti dokumento kadagiti nagduduma nga establisimiento.
Inlawlawgni Ancheta a maysa a panaglabsing dagiti empleado daytoy iti linteg gapu ta maiparit ti agilaka kadagiti dokumento ti negosio kangrunaan no saanna a bukod daytoy.
Innayonna, a kunana a no adda ti aglabsing ket sumango daytoy ti reasonable office rules wenno insubordination gapu iti saanda a panagsurot iti memorandum.
Kabayatanna, maipalagip a daytoy ket mainaig iti sayangguseng nga adda dagiti empleado iti Laoag City Hall nga agilaklakad iti dokumento kadagiti establisimiento.
