LAOAG CITY – Maragsakan ni Engr. Jonathan Corpuz iti National Food Authority ditoy probinsya ti panaka-aprobar ti House Bill 10381 wenno ti panaka-amendar ti Rice Tarrification Law.
Daytoy ket kalpasan a naaprobaran ti gakat iti maikatlo ken maudi a pannakaibasa na iti House of Representative.
Segun ken Corpuz, mangnamnama isuna a maaprobaran pay daytoy iti biang ti Senado ken iti chief executive.
Kunana a no maipasa daytoy a kas linteg, ket mabalin a bumaba ti presio ti bagas kadagiti merkado.
Kabayatanna, namnamaen pay ni Corpuz nga apaman a ma-amendaran ti linteg ket mapagtalinaed ti umdas a suplay ti bagas saan laeng a ditoy probinsya, pakairamanan ti intero a pagilyan.
