LAOAG CITY – Manamnama a maipatungpal ti lockdown iti BAC, Accounting, Treasury ken Budget Office iti Provincial Capitol.
Daytoy ket kalpasan a nagpositibo ti COVID ti maysa nga empleyado ti PGIN a ni INC187, babai nga agtawen ti 45 a taga Brgy. Raraburan, Laoag City.
Segun kenni Major Roxanne Parado, Head ti Emergency Operation Center for COVID-19 Contact Tracing nga agtultuloy ti pannakaisayangkat ti contact tracing kadagiti nakapulapol ti nadakamat a pasyente.
Kabaytanna, manamnama a dumalan iti swab test ti kapamilya ni INC187 karaman dagiti kakadwana iti opisina.
Iti agdama ket saan pay a nadeterminar no siasino ti nakaalaan ti virus ni INC187.
