LAOAG CITY – Mangnamnama dagiti drivers ti Jack Tour, maysa a Tourist Buss idiay Big Island, Hawaii a maisublinto met laeng ti operasyon ti nasao a kompanya ti bus.
Daytoy ket kalpasan nga inkeddeng ti management nga isardengdan ti operasyon na gapu iti nababa a tourist arival.
Nupay kasta, impeksa dagiti nasao a drivers nga addanto met laeng ti panagsubli ti operasyon na gapu iti pammati a gatangen to ti sabali a kompanya.
Agpapan met ita ket saan pay a maibaga ti Jack Tour no mano ti bilang ti apektado nga empleyado ngem sigurado nga adda da dagiti apektado nga Pilipion ken Ilukano.
Maibasar iti paglintegan ti Amerika, obligado ti kompanya a mangipaay ti kumpensasyon kadagiti maikkat nga empleyado gapu iti panagserra na agingga nga agbirbirok da ti trabaho.
