LAOAG CITY – Boluntaryo a napan insuko ti maysa nga empleado iti National Historical Commission of the Philippines ti paltog na iti Philippine National Police (PNP) idiay Badoc, Ilocos Norte.
Nabigbig daytoy a ni Arzadon Ragidin Jr., agtawen ti 37, awanan ti asawa ken residente iti Barangay Gareta ti nasao nga ili.
Segun ti report, napan insuko ni Ragidin ket maysa a kalibre 45 a paltog nga addaan ti maysa a magazine ken pito a bala.
Naamoan a ti nasao a paltog ket nag-expired pay laeng ti lisensya na idi Agosto 14, 2014 isut gapu na a nagdesisyon a mapan na pay laeng ipakustodyar iti kwerpo ti pulisya.
