LAOAG CITY – Nangiparuk-at ni Mayor Michael Marcos Keon ti Executive Order a nangamendar iti imununan nga EO MMK-012 wenno Enhanced Guidelines and Measures for the Management of Coronavirus (COVID-19) in Laoag City.
Basar iti EO, agtalinaed a silulukat dagiti banko, groceries, supermarkets, pharmacies, pawnshops, hardware stores, convenience stores, hospitals, water refilling stations, veterinary clinics, animal feed supplies establishments, money transfer services, basic utilities, telecommunication supplies ken wet markets.
Maobobligar dagiti employers kadagiti nadakamat nga establishimento a mangipaay ti sleeping quarters ken shuttle/transportation service a mangitulnog ken mangsundo kadagiti empleyado da.
Agserbi kas command center dagiti barangay hall ti kada barangay kabayatan ti Enhanced Community Quarantine period.
Masapul nga adda iti hotline number ti kada barangay a maidisseminate babaen ti social media, radyo wenno dadduma pay a klase ti komunikasyon.
Malaksid iti dayta, masapul a maymaysa ti entry/exit point ti amin a barangay tapno mamonitor iti panagserrek ken panagruar dagiti residente.
