LAOAG CITY – Inbatad ni Mr.Justine Paul Marbella, Communication Officer iti DOLE- Region 1 nga apagapaman a ngimmato ti employment rate ditoy Ilocos region.
Segun ken ni Marbella, arigna agpada laeng ti nagngatoan ti employment rate iti napalabas a bolan rason.
Patien na nga umad ado pay dagiti maaddaan ti trabaho gapu ta nagsublin ti operasyon dagiti nagduduma nga establisimiento.
Kabayatanna, inpasingked ni Marbella nga agtultuloy ti panangipaay ti DOLE ti tulong kadagiti agkasapulan ti trabaho.
Inimbitaran na pay dagiti mayat a manggunday ti Government Internship Program ti DOLE no sadinno a dagiti mabalin nga agaplikar ket dagiti high school wenno vocational graduate.
Innayon na a babaen iti nasao a programa ket maikkan ti gundaway dagiti maseknan nga agtrabaho kadagiti opisina ti gobierno.
