LAOAG CITY – Nagbalin a naidumduma nga adventure ti engagement photo shoot ti agkarelasion nga isuda Kim Zaw, agtawen ti 33 ken Phil Mui, agtawen ti 34 iti Park City, Utah kalpasan a mapukpukaw ti singsing iti baet ti niyebe.
Basar iti photographer-da a ni Sabrina Boehlke, nariparna a mapukpukaw ti singsing iti ramay ni Zaw kabayatan a maal-alaan isuda ti ladawan.
Agarup dua nga oras ti panangbirbirokda iti singsing kaduada ti photographer ken sumagmamano a limmabas ti timmulong. Simmangpet pay iti Park City Ski Patrol nga adda ti intugotna a metal detector tapno makatulong.
Iti baet ti panagrigrigatda a nagbirok, ni Mui met laeng a mismo ti nakakita ti singsing a sumilsilap iti uneg ti niyebe.
