LAOAG CITY – Nagpalawag ti engineer nga akin-iggem ti lugan ti DPWH 1st Engineering District a naduktalan nga adda iti maysa nga hotel ditoy siudad ti Laoag.
Segun iti engineer, napan laeng naginana ken naturog gapu ta nabannog kalpasan nga adda ti inatendaran na a taripnong a a mainaig met laeng iti DPWH.
Mainaig iti daytoy, kuna na a ti maipagarup a pannakakalub ti plate number ti lugan ket panangsurot laeng ti protocol nu mapan iti hotel ken inikkat na metlaeng daytoy.
Inpetteng ti nasao nga engineer nga awan ti sabali nga inubra na iti hotel malaksid iti naginana ken as-asideg daytoy iti opisina da ngem nu agawid pay laeng iti pagtaenganda.
Maipalagip a naduktalan a nagtalinaed iti maysa nga hotel ditoy siudad ti Laoag ti lugan ti DPWH 1st Engineering District nu sadino a natakkuban ti tolda pakairamana ti plate numbee daytoy.
Kabayatanna, immuna met nga inpakaamo ni Dist. Engineer Ma. Venus Torio a basar iti immun-unan a palawag ti engineer kenkuana ket adda laeng ti napan na intulnog iti hotel.
Innayun na a ti simmaruno a palawag daytoy ket saan nga isuna ti nangusar ti lugan ngem ketdi ti maysa a kadwana.
Mainaig iti daytoy, inbunannag ti engineer a nakarikna ti nerbyos rason a saanen a nagsusurot ti palawag na iti District Engineer.
