LAOAG CITY – Pinasingkedan ni Engr. Cynthia Iglesia iti PAGASA-DOST a saan nga agpaypayso ti agwarwaras a damag a mapasamak ti 15 nga aldaw nasipnget ti aglawlaw iti masungad a bulan ti Nobyermbre.
Kuna na, awan ti pakaammo kadakuada dagiti astronmer seknan iti nasao a banag.
Inlawlawag na a ti mabalin laeng a pannakapasamak ti panagsipnget ti lubong ket no adda “eclipse” kas iti solar eclipse a ti mapasamak idiay Amerika inton Agosto 21.
Inbatad pay ni Iglesia nga awan ti kinaagpaysuanan na nga adda mapasamak a panagdinnungpar ti dua a planeta ken adayo a mapasamak daytoy gapu ta agaddayo dagiti planeta ken adda bukod da a linya.
Kuna na pay a ti padaanan ketdi ket ti sumangbay a bagyo iti masungad a lawas gapu ta iti Northern Luzon ti turungen na
