LAOAG CITY – Kalikagom ni Engr. Joefrey Felipe a rentaan ti cockpit arena ditoy ciudad ti laoag.
Inpakaammo datoy ni Vice Mayor Rey Carlos Fariñas bayat ti chairmans time iti regular session ti sangguniang panlungsod.
Segun ti Bise mayor, nangipatulod ti surat ti nasao nga inhinyero wenno ti intent to operate.
Basar ti linaon ti surat ket inkari ni Felipe a nu maikkan gundaway daytoy ket mentenaren na a nasayaat ken sumurot kadagiti amin a requirement a masapol tapnu agoperar ti nasao a cockpit arena.
Kabayatanna, adda met ti inpatulod ni Philip Taylan a surat a mangibabawi ti kalikagom na nga agupa iti nasao a cockpit arena.
Maipalagip nga inton Nobiembre katorse ket maiyuswat ti public hearing mainaig ti pannakaipangato ti Renta ti Cockpit arena.
