LAOAG CITY – Inbilin ni Engr. Ma. Venus Torio Dist. Engr. ti DPWH iti umuna a Distrito iti Ilocos Norte ken ni Engr. Robert Rabago, chief ti maintenance Division ti nasao met la nga ahensiya tmasapol nga agikabil da kadagiti “signages” iti rangtay iti Barangay Pragata iti ili ti Pasuquin.
Daytoy ket kalpasan a nakaad-adon dagiti napaspasamak a desgrasya iti nadakamat a lugar.
Inbatad ni Torio a trabaho koma dagiti contractor ti agipan kadagiti “signages”.
Nupay kasta, kuna na a gapu ta sektor da dagiti “national highways” isu nga immandar na ken ni Rabago tapno agikabil da kadagiti “signages”.
Innayonna a babaen iti daytoy ket mapalagipan dagiti motorista ti estado ti matartarimaan weno maar-aramid a proyekto.
Maipalagip nga iti kallabes ket naidanun iti Bombo Radyo ti kaadon dagiti napaspasamak a desgrasya iti nasao a rangtay a nairugi ti pannakatrabaho na idi 2017 ngem agpapan ita ket saan pay a nalpas.
Naudi a napasamak a desgrasya iti nadakamat a rangtay ket ti dua a lallaki a nakalugan ti motorsiklo nga agpada a pimmusay.
