LAOAG CITY – Manamnama a manayunan ti bilang dagiti garbage collector ditoy ciudad ti Laoag.
Daytoy ti inbatad ni Engr. Roy Tomas iti City Engineering Office ditoy ciudad.
Inlawlawag na nga umad-ado dagiti basura a nasken a makolektar isut gapuna a masapol a manayunan met dagiti agkolekta.
Gapu ti daytoy,kiniddaw ni Tomas ken ni Mayor Michael Marcos-Keon a manayunan ti garbage collector ditoy ciudad, ken mangnamnama a patgan daytoy ti chief executive.
Iti agdama ket adda iti 42 a garbage collectors ditoy ciudad ti Laoag.
