LAOAG CITY – Nakasagana ni Engr. Ma. Venus Torio, District Engr. iti 1st Engineering District iti Department of Public Works and Highways (DPWH) ditoy ciudad ti Laoag a dumalan ti self-quarantine.
Sungbat na daytoy kalpasan nga adda dagiti sumagmamano nga empleado ti DPWH ditoy ciudad ti Laoag nga agkalikagom nga ag-self quarantine ti district engineer gapu ta naggapo idiay Pangasinan.
Segun ken ni Torio, nagawid iti lugar da idi Marso 27 kalpasan a naipatungpal ti skeletal work iti DPWH gapu iti coronavirus pandemic.
Inbatad a nakasagana nga agself-quarantine ngem masapol koma a makisarita kenkuana dagiti nasao nga empleado.
Kabayatanna, inpasingked ni Torio nga adda met ti sursuruten da nga Standard Operational Procedure (SOP) tapno maipasigurado nga awan ti nakaptan ti virus kadagiti empleado ti DPWH.
Karaman ditoy ket ti pannakaobserbar ti social distancing, idadalan dagiti empleado ti thermal scanning, panagugas ti ima apaman a makasangpet iti opisina, panagsuot ti face mask, madi pay ti agbibinnulod ti cellphone ken dadduma pay.
