LAOAG CITY – Devastated.
Daytoy ti eksakto a sarita nga inusar ni Ogie Diaz kas panangiladawan iti agdama a kasasaad ni Enrique Gil.
Naammoan nga adda ti pakainaiganna iti panagbalin a sobra a naapektaran ni Enrique iti solo movie-na nga isu ti rumrummuar a rason iti pannaka-depress ti aktor.
Kuna ni Diaz a nangnamnama ti aktor nga uray awanen ti LizQuen tandem ket makasubbot man laeng isuna iti nasao a pelikula.
Inlawlawagna nga immuna a naidiaya ken Enrique ti serye nga Incognito ngem sabalin ti mangbukbukel a cast daytoy.
Innayonna a saanna laeng a masinunuo no asino kada Richard Gutierrez, lan Veneracion ken Daniel Padilla ti nangsukat ken ni Enrique.
