LAOAG CITY – Mangisayangkat ti Environment and Natural Resources Office ken Office of the Provincial Agriculture ti validation kadagiti high value crops ditoy probinsia.
Segun ken ni Mr. Jogie Jimenez, Environmental Program Officer ti Environment and Natural Resources Office, ti nasao nga aktibidad ket tapno madeterminar no ania kadagitoy dagiti napintas nga imula.
Inbatadna nga adda ti 14 a lokasion a namulaan kadagiti nasao klase ti mula nga inpaay ti gobierno probinsial.
Inlawlawagna a babaen iti daytoy ket makatulong ti ekonomia ti probinsia gapu ta mabalin a pamastrekan daytoy dagiti umili.
Innayonna a manarimaan ti panangtutokda ti panagmula ti kape tapno makapartuat ti bukud a kape ditoy probinsia.
