LAOAG CITY – Nakaimaldit ti Schools Division of Laoag City ti agarup 21,724 nga enrollees kabayatan ti remote enrollment a nangrugi idi Hunyo 1.
Basar iti report manipod ti Planning Unit, 18,515 dagiti nakaenrol kadagiti pampubliko a pagadalan ken 2,493 dagiti nakaenrol kadagiti pribado a pagadalan.
Kabayatanna, 619 dagiti nakalista iti SUC ken 97 iti Alternative Learning System Program.
Basar iti datos, 84 a porsyento dagiti estudyante iti pampubliko a pagadalan dagiti nakaenroll.
Nadesignaran dagiti teacher-adviser nga agfacilitate ti remote enrolment kadagiti advisory class da manipod iti napalabas nga school year.
Naamoan pay a maipalubos ti physical enrolment iti maikatlo a lawas ti enrolment period.
