LAOAG CITY – Mapukpukaw ti eroplano a nagluganan ni Vice-President Saulos Chilima ken siyam a sabsabali pay idiay Malawi.
Napasamak ti insidente bayat ti panagturong ti grupo ni Chilima iti Mzuzu International Airport tapno ibagian ti goierno iti pannakaitabon ni dati a cabinet minister Ralph Kasambara a pimmusay addan tallo nga aldaw ti napalabas.
Iti statement nga inparuk-at ti opisina ni President Lazarus Chakwera, nagpukaw ti radar ti Malawi Defense Force aircraft kalpasan a pimmanaw iti ciudad ti Lilongwe a kabisera ti Malawi.
Apaman a naamoan ti presidente ti napasamak ket kinanselar na ti flight na nga agturong koma idiay Bahamas ken inbilin na a dagus ti pannakaiyuswat to search ken rescue operation.
Maipalagip nga idi 2022 ket natiliw ni Chilima gapu iti alegasyon a nagawat ti pasuksuk ngem iti laeng napalabas a bolan ket inbasura ti korte iti saan a masinunuo a rason.
