LAOAG CITY – Inrakurak ti United States Indo-Pacific Command a maus-usar iti surveillance, reconnaissance support, panagkolektar ken panangipaay ti intelligence ti nagsuek nga eroplano idiay Maguindanao del Sur.
Daytoy ti inruar nga impormasion ti United States Embassy no sadinno nga awan ti nakalasat iti insidente.
Basar iti United States Indo-Pacific Command, napasamak ti insidente kabayatan a mangiwaywayat ti routine wenno regular a misyon ti eroplano kas suporta iti panagbinnulig nga aktibidad ti Pilipinas ken Amerika.
Saanen a nainaganan ti uppat a nakalugan a natay ngem iti report ti Estados Unidos a karaman kadagiti natay ket miembro ti militar ti Amerika ken tallo a defense contractors.
Agtultuloy pay laeng ti imbestigasion iti rason ti panagsuek ti eroplano a kinontrata ti United States Defense Department tapno tumulong iti kiddaw dagiti kaalyado a Pilipino iti intelligence ken surveillance operations.
