LAOAG CITY – Kinumpirma ni Bombo Correspondent Manny Pascua nga umabot ti agarop 100 dagiti pasahero ti nag-emergency landing nga Hawaiian Airlines flight 62 idiay Hawaii.
Inbatad na a tallo kadagiti pasahero ket taga Vintar, Ilocos Norte ken dagitoy ket da Maribel Maltezo, Joey Maltezo ken Maila Maltezo.
Segun ken ni Pascua, agturong koma dagiti maseknan idiay mainland tapno agatendar ti kasar.
Nupay kasta, dua nga oras sakbay a nagtake-off ti nga eroplano ket nakita nga adda ti agilap-gilap iti cockpit ken naduktalan nga adda ti diperensya ti makina ti nasao nga eroplano.
Gapu ti daytoy, nagdesisyon ti piloto nga ag-emergency landing laengen iti Honolulu International Airport.
Inbatad pay ni Pascua a nagpanic dagiti pasahero ti eroplano ngem pinagkalma ida dagiti flight attendants ken inpasingked da nga awan ti rumbeng a pagdanagan da.
