LAOAG CITY – Iti kunada, iti eropuerto ti pakakitaan ti seryoso ken makasair ti rikna babaen iti panagbisong ken panagarakop kadagiti ay-ayaten iti biag.
Iti kinapudnona, sumagmamano kadagiti mapagsasaritaan a bidyu iti eropuerto ket dagiti akarop iti maminsan manen a panagkita ken panagtalaw dagiti ay-ayaten iti biag.
Iti maysa nga eropuerto idiay New Zealand, maipawil ti nabayag a panagarakop.
Naiget a maipatpatungpal iti international airport iti southern city ti Dunedin ti maximum hug time a tallo a minuto.
Segun ken ni Airport Chief Executive a ni Daniel De Bono, daytoy ket maysa a wagas tapno maipalagip a drop-off zone wenno ti alisto a panagpakada.
Inlawlawagna nga awan ti nasken a pakadanagan gapu ta ti 20 a segundo a panagarakop ket umdasen tapno makairuar ti oxytocin ken serotonin wenno happy hormones.
Nupay kasta, kunana a no saan latta nga umdas ti tallo minuto a panagarakop yakap, mabalin nga agpakada iti car park no sadinno a libre ti parking iti uneg ti umuna a 15 a minuto.
