Nagrugin a nagbalin nga operational dagiti eropuerto idiay Syria kalpasan ti pannakapadisi ken ni President Bashar al-Assad.
Ti flight ket manipud iti Damascus airport a sisitalged a nakalapag iti Aleppo.
Mainaig iti daytoy, adda ti 43 a tattao ti nakalugan iti eroplano pakairamanan ti sumagmamano a journalist.
Idi Disyembre 8, inabandona ti pro-Assad forces ti eropuerto kalpasan ti panagabante dagiti rebelde a grupo a rimmaut manipud idi Nobyembre 27.
Gapu iti daytoy, awan ti naisayangkat nga flights para iti kinatalged ti publiko.
Namnamaenda nga inton sumaruno a lawas ket mangrugin dagiti international flights.
Maipalagip a nirugian metten ti Jordan ti beddeng ti Syria nga immunan a naipaserra gapu iti panagbuteng a panagsaknap ti nadakamat nga insidente.
