LAOAG CITY – Inbatad ni Bombo International News Correspondent Jeni Lopez iti Kyiv, Ukraine nga awanen ti flights gapu ta nakaserra aminen dagiti erupuerto iti nasao a pagilyan.
Gapu iti daytoy, kuna na a saanen a matuloy ti plano dagiti amo na nga agtrabtrabaho kas deputy iti Ukraine a pumanaw paylaeng iti nasao a pagilyan ken mapan da idiay Spain.
Segun ken ni Lopez, inlawlawag kenkuana dagiti amo na nga agtalinaed da lattan iti nasao a pagilyan gapu ta mamati da a nataltalged da met laeng kangrunaan na ket asideg laeng ti pagnanaedan da iti President Palace rason a natalged ti seguridad iti lugar.
Kuna na pay nga uray kayat na ti rumuar ket awan pulosen dagiti agbiyahe a bus ken taxi no sadinno a dagiti dadduma a kayat na ti pumanaw iti lugar ket nagnagna da.
VC…..CUE OUT…..NAPAKA-TRAFFIC PO
Malaksid iti panagserran dagiti eropuerto ket ado payen dagiti pasdek negosyo a nagserran idinto a dagiti supermarkets ken grocery stores ket maib-ibusen dagiti tagilako da gapu iti panagpanic-buying dagiti tattao.
Innayon na a saan da payen a makairuwar ti kwarta gapu ta naibusen ti karga dagiti ATM machines.
Kabayatanna, inpakaammo ni Lopez a no bilang kumaro ti sitwasyon iti ayanda ket adda laeng ti bunker iti babaen ti pagnanaedan da a building nga isu ti papanda pagpaingan tapno maiyadayo da iti peggad.
