LAOAG CITY – Inpasingked ni Bombo International News Correspondent Bob Osilla, tubo iti probinsya ti Pangasinan ngem agnanaed idiay Oregon, USA nga adda iti Blue state ti nasao nga estado.
Inlawlawag na a ti blue state ket kayat na a sawen a napigpigsa ti democratic a partido ni presidential nominee Joe Biden kontra iti republican a partido ni US Pres. Donald Trump.
Kuna na nga adda iti blue state ti Oregon agsipod ta kaaduan kadagiti opisyal ti democratic ket naggapo iti nasao nga estado.
Mainaig iti daytoy, inbatad na a naiget a mapalpalagipan dagiti botante nga agbotos dan ken ipatulod ti balota sakbay iti Nobiembro 3 tapno awan ti agbalin a problema.
