LAOAG CITY – Agakseptar kadagiti pasyente ti Laoag City General Hospital (LGCH) marigrigat man wenno adda mabalin na iti biag.
Daytoy ti inpetteng ni Dr. Elizer Asuncion, ti chief oh hospital iti LCGH kalpasan nga adda dagiti alegasyon a maipagarup a saan nga agawat kadagiti marigrigat a pasyente ti ospital.
Segun ken ni Asuncion, nu pay adda ti gundaway a nababa ti mapaspastrek ti ospital gapu iti mapaspasaran a pandemiya gubuay ti covid-19, agakseptar latta ti ospital kadagiti marigrigat a pasyente.
Inbatad na nga iti laksid a maysa ti nasao nga ospital kadagiti marigatan a makabangon iti baet ti pandemiya, kabaelan pay laeng daytoy ti agakomdar kadagiti pasyente.
Kuna na nga adda dagiti sumagmamano a serbisyo a pamastrekan ti ospital kas kadagiti aktibidad iti operating room.
Kabayatanna, inpakaamo ni Asuncion a maragsakan agsipod ta addan ti naited a sweldo dagiti empleado iti nasao nga ospital ita a bolan ti Disyembre.
Nu pay kasta, inlawlawag ni Mr. Ferdinand Quiroga iti accounting office ditoy siudad ti Laoag a dagiti laeng permanente nga empleado ti LCGH ti naikkan iti swledo.
Kunana nga awan pay ti naipaay a year-end cash gift kadagitoy pakairamanan dagiti contractual ken job order.
Kabayatanna, inpalgak na a manamnama a maited iti sumaruno a tawen ket maited ti sweldo dagiti contractual ken job orders.
