LAOAG CITY – Agtultuloy ti operasion dagiti otoridad idiay Estados Unidos iti panangpatalaw kadagiti illegal migrants.
Basar iti Immigration and Customs Enforcement (ICE) a pinaigetanda ti panangarestar kadagiti immigrants nga adda iti siudad pakairamanan ti Chicago, Atlanta, Los Angeles ken Austin, Texas.
Iwayatda ti panangtiliw kadagiti maseknan iti dua wenno tallo a daras iti uneg ti maysa a lawas.
Inpasigurado ni Defense Secretary Pete Hegseth a mangipaayda ti aniaman a tulong para iti proteksion ti southern border ti Estados Unidos.
Nangnayon ti 400 a miyembro ti Texas National Guard nga agbantay iti US-Mexico border.
Kabayatanna, adda ti dua nga ahensia ti tumultulog iti US Immigration officials kadagiti raids-da ken inpasiguradoda a naka-uniporme a nasayaat tapno al-alisto a mabigbig.
