LAOAG CITY – Awan pay ti plano ti Estados Unidos a maluktan dagus ti embahadada idiay Syria.
Segun ken ni United States State Department spokesperson Matthew Miller a saanda pay nga ipangpangruna a maluktan ti embahada sipod idi nagrikep daytoy idi 2012.
Kalikagumda a makita ita ni kasano a patarayen ti baro nga adminstrasion ti Syria.
Maipalagip a sipod napadisi ni Syrian President Bashar al-Assad ket nagtalinaed a nakabantay ti Estados Unidos no aniaman ti mabalin a tignay nga aramiden ti Hayat Tahrir al-Sham.
