LAOAG CITY – Inakusaran ti Estados Unidos ni Israeli Finance Minister Bezalel Smotrich gapu iti panangiwarasna kadagiti negatibo a damag maipanggep iti ceasefire talk.
Inbatad ni White House Spokesperson John Kirby a saanda a palubusanda ti asinoman a mangdadael iti mailunglungalong a ceasefire deal.
Inlawlawagna a kinuna ni Smotrich a ti panagsungbat ti Israel iti ceasefire ket mangipasimudaag a sumuksukodan kadagiti Hamas.
Maipalagip nga agtultuloy ti panangilungalong ti Estados Unidos, Egypt ken Qatar nga isu ti agserserbi a mediator tapno naan-anay a maallukoy ti Hamas ken Israel a maaddaan ti tigil-putukan.
