LAOAG CITY – Inbilin ti Estados Unidos iti amin a non-emergency staff da idiay South Sudan a pumanaw dan gapu iti kumarkaro a tensyon iti nadakamat a pagilian.
Naamoan a gapu kadagiti mapaspasamak nga engkwentro ket naapektaran ti peace deal iti nagbaetan da President Salva Kiir ken Vice-President Riek Machar.
Maipalagip a dagiti dua a lider ket nagpirma ti peace agreement idi 2018 tapno agngudon ti lima a tawen a civil war a nakatayan ti ginasut a ribo a tattao, ngem ti relasyon da ket nagtalinaed a saan a nasayaat.
Iti baet ti mapaspasamak a riribok iti South Sudan ket nagpanawagan ni President Kiir nga agtalinaed a kalmado kagiddan ti panangipasigurado na a saanen nga agsubli ti pagilian iti civil war.
