LAOAG CITY – Itultuloy ti Estados Unidos ken China ti komunikasion seknan iti millitary-to-millitary kadagiti sumaganad a bulan.
Daytoy ti inpablaak ni United States Defense Secretary Lloyd Austin, bayat a dinayaw ti Beijing ti natalged a relasion ti seguridad iti nagbaetan dagiti dua pagilian.
Nakipagkita ni Austin iti Chinese counterpart-na a ni Dong Jun iti Shangri-La Dialogue idiay Singapore iti umuna a substantive face-to-face talks iti nagbaetan ti dua a defense chiefs iti uneg ti 18 a bulan.
Nasurok maysa oras a nagkita da Dong ken Austin iti luxury hotel a tinabunuan dagiti defense officer manipud kadagiti nagduduma apaset ti lubong, no sadinno nga iti nabiit pay a tawen ket nagbalinen a barometro ti relasion ti Estados Unidos ken China.
Kinuna ni Austin a mangrugi manen ti saritaan iti telepono iti nagbaetan dagiti komander ti militar ti united States ken China kadagiti sumaganad a bulan.
Kabayatanna, ket inawatna pay dagiti plano para iti “crisis-communications working group” iti China inton ngudo ti tawen.
