LAOAG CITY – Nangipeksa ti panagdanag ti Estados Unidos iti panangibutaktak ni Ukrainian President Volodymyr Zelensky a mangipatulod ti North Korea dagiti suldadoda iti Russia.
Basar iti White House a no bilang pudno daytoy a banag ket mangdegdeg daytoy ti tension iti rinnupak ti Russia ken Ukraine.
Kunana a ti nasao nga addang ti Russia ket mangipakpakita ti maysa a panagbalin a desperado ti Russia tapno abaken ken sakupen ti Ukraine.
Maipalagip nga immunan a naglikudan ti Russia ti nasao a banag no sadinno nga agbalbalin laeng nga asideg isuda iti North Korea ngem saanda daytoy pulos nga aramiden.
Immuna iti daytoy, inbutaktak ti Estados Unidos nga agsupsuplay ti North Korea dagiti ballistic missiles iti Russia banag a naglikudan dagiti dua a pagilian.
