LAOAG CITY – Kumpiansa ni United States Secretary of State Antony Blinken a dandanin a magun-od ti kalikagumda a ceasefire iti nagbaetan ti Israel ken Hamas.
Inbatadna a maik-ikkan ti nalawag a saritaan ti agsumbangir a partido ken arig umannugotda nga agpada kadagiti sumagmamano a kondision nga indatag iti tunggal maysa.
Naammoan nga iti kada partido ket ilepleppasdan dagiti kritikal a detalye ti negosasion.
Maipalagip a nangipatuloden ti Israel dagiti negotiating teams a Cairo, Egypt no sadino maiwaywayat iti nasao a lugar ti ceasefire deal babaen iti Qatar, Egypt ken Estados Unidos.
