LAOAG CITY – Mangiparuk-at ti Estados Unidos ti pasaporte nga adda ti rupa ni United States President Donald Trump.
Basar iti United States Department, mangiparuk-atda ti limitado a bilang ti commemorative passports nga addaan ti portrait a ladawan ni Trump no sadinno a mausar daytoy kadagiti opisial a sanikua.
Inbatad ti pannakangiwat ti State Department a ni Tommy Pigott a maiparuk-at dagiti pasaporte kas paset ti selebrasion para iti maika-250 nga anibersario ti Estados Unidos iti panangideklarar ti Independence Day inton Hulio.
Nupay kasta, saan a dinakamat ni Pigott no mairaman a maikabil iti pasaporte ti ladawan ni Trump.
Kabayatanna, inpakita ti State Department ti ladawan ni Trump iti maysa a panid iti uneg ti pasaporte iti batog ti maysa nga imahe ti panagpirma iti panangideklarar ti panagwaywayas idi 1776.
