LAOAG CITY – Mangipatulod ti Estados Unidos ti carrier strike group, fighter squadron ken nayon a warships idiay Middle East.
Kagiddan daytoy ti agtultuloy a rinnupak a mapaspasaran kalpasan a nagpangta ti Iran nga isuda ket agisubbot kalpasan a natay ti senior Hamas Leader iti Tehran.
Inbilin ni Defense Secretary Lloyd Austin ti USS Abraham Lincoln strike group a suktan ti USS Theodore Roosevelt strike group a manarimaan nga adda iti Gulf of Oman.
Naammoan nga adda pay ti destroyers ken cruisers a kabaelanna a mangpatayab kadagiti ballistic missile defense nga ipatulod idiay Middle East ken Mediterranean Sea.
Kabayatanna, addan ti USS Wasp amphibious assault ship ti Estados Unidos iti rehion no sadinno agop-operar daytoy iti 24th Marine Expeditionary Unit nga addaan ti kapasidad a mangibakwit kadagiti umili a maip-ipit iti riribuk.
