LAOAG CITY – Masapol nga isardeng ti Estados Unidos ti mangraot iti Iran no kayatna a maituloy ti diplomatiko a saritaan.
Daytoy ti inbatad ni Tehran Deputy Foreign Minister Majid Takht-Ravanchi.
Segun ken ni Majid, inbatad ti Trump administration iti Iran babaen iti kadagiti mediators a kayatna ti agsubli iti negosasyon ita a lawas.
Nupay kasta, saan a nagbalin a nalawag ti sungbat ti Amerika iti nakapatpateg a saludsud no adda ti posibilidad a rumaot iti Iran kabayatan ti negosasyon.
Maipalagip a rinugian ti dua a pagilian ti negosasyon mainaig iti nuclear programme idi rauten ti Israel ti nuclear sites ken military infrastructure ti Iran iti nasapa a paset ti bolan ti Hunyo ita a tawen.
Simmubbot ti Iran iti Israel ngem ditoy metten a rimmaman ti Amerika no sadinno a binomba na ti tallo nga Iranian nuclear sites.
