LAOAG CITY – Inrakurak ti Estados Unidos nga adda ti “credible reports” nga agplanplano ti Hamas iti dandanin a panangatake kadagiti sibilian idiay Gaza banag a maibilang daytoy kas “direct and grave” a panaglabsing iti ceasefire agreement.
Ti maysa a nakaplano a panangraut kontra kadagiti Palestino ket mangitunda ti dakkel nga epekto iti nagun-od a balligi a katulagan.
Ti statement ket saanen a nangipaay pay ti naan-anay a detalye no kasano a malabsing ti katulagan iti nagbaetan ti Estados Unidos ken Israel.
Naiget met a naglikudan ti Hamas ti aniaman a plano a panangatake ken inakusaranna ti Israel a supsuportaranna ti kalaban nga armado a grupo idiay Gaza.
Basar iti state department, napakaammoandan dagiti dadduma a guarantors iti Gaza peace agreement a pakairamanan ti Egypt, Qatar ken Turkey ken kiniddawna ti Hamas nga agtungpal kadagiti pagannurotan iti ceasefire.
Mainaig iti daytoy, immunan a binallaagan ni United States President Donald Trump ti Hamas kontra iti panangpapatay kadagiti sibilian.
Inpettengna a no saan nga agsardeng ti Hamas iti panangpapatay kadagiti sibilian a tattao idiay Gaza ket awan ti maaramidanna no diket papatayen met dagitoy.
Nupay kasta, inlawlawagna a saan daytoy a mangipatulod ti suldado ti Amerika idiay Gaza.
Kabayatanna, aniaman nga addang wenno ebidensia nga aramid ti Hamas idiay Gaza ket maikonsiderar a panaglabsing ti ceasefire.
