LAOAG CITY – Nagpanawagan ti Estados Unidos iti Israel nga obligasion daytoy a sumurot iti international humanitarian law.
Segun ken ni United States Department of State spokesperson Matthew Miller, daytoy nga addang ket tapno makissayan dagiti madadael ken bilang dagiti pumusay a sibilian.
Napalaus ti panagladingitda iti panangraut ti Israel iti tent camp iti Rafah a nakatayan ti 45 a tattao.
Ti nasao nga insidente ket nangitunda ti panagkondenar manipod kadagiti nagduduma a pagilian no sadino a kinuna ti Hamas a nasken a sumurot ti Israel iti pammilin ti International Justice Court nga isardeng ti panangraut daytoy iti Rafah.
Immunan nga inbatad ni Israeli Prime Minister Benjamin Netanyahu a ti insidente iti tent camp ket maysa a klase ti aksidente.
Kabayatanna, mangiyuswatda ti naan-anay nga imbestigasion maipapan iti daytoy a banag.
