LAOAG CITY – Inanunsio ni US Secretary of State Marc Rubio a nangipatawda ti sanction ti International Criminal Court wenno ICC.
Segun ken ni Rubio a saan a palubusan ni US President Donald Trump nga usigen ti Amerikano ti peke a korte.
Kalikagumda a pawilan ti transaksion ti nadakamat a korte ken pagsardengen dagiti resources ken ti abilidadda a mangoperar.
Kunana pay a ti sanctions ket naisayangkat tapno maipaayan ti korte ken dagiti member states ti tsansa tapno sungbatan ti reklamo ti Estados Unidos.
Immunan a kinondenar ti Estados Unidos ti panangiparuk-at ti International Criminal Court (ICC) ti warrant of arrest kontra ken ni Israeli Prime Minister Benjamin Netanyahu ken sumagmamano nga opisialna
Pakairamanan pay ditoy ti inaramid a panangimbestigar ti nadakamat a korte iti addang dagiti sundalo ti Estados Unidos iti Afghanistan.
Addaan ti sumurok 70 nga indibidual pakairamanan dagiti world leaders ken kangrunaan a personalidad ti napaneknekan ti korte gapu iti panaglapsing iti human rights.
Maipalagip nga immunan a pinatawan ti Estados Unidos ti 17 a judges ken opisial ti International Criminal Court idi Agosto.
