LAOAG CITY – Nangipatulod ti United States Agency for International Development (USAID) iti tulong para kadagiti nagbalin a biktima ti layus iti nalawa a paset ti pagilian.
Karaman ditoy ti pannakaipaay ti 700 nga emergency shelters a naipatulod iti Maguindanao Del Sur ken Bangsamoro Autonomous Region iti Muslim Mindanao nga immuna a naapektaran iti layus ken napigsa a tudo.
Inpasigurado met ni US Embassy Spokesperson Kanishka Gangopadhyay nga agtultuloy ti panagkolekta ti Estados Unidos iti kanayonan a tulong a mabalin a maipatulod iti pagilian.
Inpanamnama ni US Ambassador to the Philippines Marykay Carlson ti agtultuloy a koordinasion ti Embahada iti gobierno ti Pilipnas tapno maammuan ti kasasaad ken dagiti kasapulan.
Kabayatanna, nangipaay ti embahador ti kararagna kadagiti Pilipino a naapektaran iti nakaro a layus gapu iti sumagmamano nga aldaw a di agsarday a tudo.
