LAOAG CITY – Nangiwayat ti Estados Unidos ti military strike idiay Syria kalpasan a natay iti napasamak nga ambush ti dua a suldado nga Amerikano ken maysa nga American civilian interpreter nga addan ti maysa a lawasen ti napalabas.
Target ti military strike ti Estados Unidos a maikkat ti Islamic State (IS) group fighters ken dagiti weapon sites-da kas panangibales iti pannakatay dagiti tropa ti Amerika.
Segun iti maysa nga United States official, natamaan ti 70 a targets iti nalawa nga strike kadagiti lugar iti central Syria no sadinno a pakasarakan dagiti imprastruktura ken dagiti armas ti Syria.
Basar iti maysa a post, inbatad ni Defense Secretary Pete Hegseth a saan daytoy ti rugi ti gubat no diket pannakaideklarar ti panangibales.
Kunana a saan nga agpangadua ti Trump administration a depensaan dagiti umili iti pagilianda.
Immunan nga inkari ni United States President Donald Trump a seryoso a panangibales kalpasan ti panangpaltog iti tropada iti disierto ti Syria a binabalawna ti Islamic State.
Inlawlawagna a dagiti napapatay ket karaman kadagiti ginasgasut a tropa ti Amerika iti eastern Syria a paset ti coalition a makirinrinnupak kadagiti militante a grupo.
Innayon ni Trump a ti target-da ket dagiti kuta wenno dagiti paglemlemmengan ti Islamic State ken inpettengna ti suporta para ken ni Syrian President Ahmad al-Sharaa a kunana a naiget ti suportana iti addang ti Amerika kontra iti Islamic group.
