LAOAG CITY – Binalakadan ti Estados Unidos dagiti staff ti embahadada iti Israel nga agibakwiten.
Daytoy ket kagiddan iti posible nga aramiden a panangatake ti Israel iti Iran iti kumarkaro a tension ti maipapan iti nuclear.
Segun ken ni United States Ambassador to Israel Mike Huckabee nga awan ti nasken a pakadanagan gapu ta kalikagumda laeng nga agbalin a naalerto.
Pinalubosanen ti United States State Department dagiti non-emergency staff ken dagiti kabagianda a tumalawen iti Israel para iti kinatalged dagitoy.
Mainaig iti daytoy, pinabakwit metten ti United Kingdom ti staff-da manipud iti Tehran gapu iti pangta ti panangatake ti Estados Unidos.
Malaksid iti daytoy, karaman pay dagiti pagilian nga India, China ken Canada a nagpaibakwit kadagiti kailianda nga adda idiay Iran.
Maipalagip a nakasaganan dagiti aircraft carrier ti Amerika nga asideg iti kabaybayan ti Iran no sadinno nga agsagsaganan ti aniaman a panangatake.
