LAOAG CITY – Naikeddeng nga ipaserra ti Estados Unidos ti agarup 30 nga embahada ken konsulada kadagiti dadduma a pagilian.
Gagem daytoy ket ti aramiden a panagbalbaliw iti diplomatic presence iti sabali a pagilian.
Basar iti Internal State Department, inrekomendarda ti panagkissay ti United States diplomatic missions idiay Somalia ken Iraq.
Naammoan a ti sumagmamano a nairekomendar a maipaserra ket ti 10 nga embahada ken 17 a konsulada a kaaduan kadagitoy ket manipud idiay Europa ken Africa.
Mainaig iti daytoy, ti sumagmamano nga embahada ket manipud iti Malta, Luxembourg, Lesotho, the Republic of Congo, the Central African Republic ken South Sudan idinto a dagiti konsulada ket idiay France, dua iti Germany, dua idiay Bosnia ken Herzegovina, maysa idiay United Kingdom, maysa idiay South Africa ken maysa idiay South Korea.
Inpaima met ni State Department Spokesperson Tammy Bruce ken ni United States President Donald Trump ti desision no ituloy ti nasao nga addang.
