LAOAG CITY – Nangrugin ti panagtataripnong ti Estados Unidos, Ukraine ken Russia tapno naan-anayen a malpas ti riribuk.
Naisayangkat ti panagtataripnong dagiti pannakabagi ti tallo a pagilian idiay United Arab Emirates.
Daytoy ti umuna a trilateral working group meeting sipod idi napasamak ti full-scale a panangatake ti Russia idi 2022.
Ti nasao a taripnong ket naisayangkat kalpasan a nagkita da United States special envoy Steve Witkoff ken ti manugang ni United States President Donald Trump a ni Jared Kushner ken ni Russian President Vladimir Putin.
Maipalagip a namin-adun a daras a nagpaayab ti taripnong ti Estados Unidos ti taripnong tapno ilungalong ti ceasefire ngem napaay daytoy gapu ta saan nga agkasurutan ti dua a pagilian kadagiti sumagmamano a kondision kas ti panangisuko kadagiti sumagmamano a daga ti Ukraine.
Mangnamnama ti Amerika a ti kaudian a taripnong ket agbalinen a nabunga daytoy tapno agngudon ti gubat.
